HISTORIA

Adace-Lugo é unha asociación sen ánimo de lucro, de ámbito provincial, formada por persoas afectadas de dano cerebral adquirido (DCA), as súas familias e outros colaboradores. A entidade xurde pola necesidade existente na nosa provincia, pola falta de recursos e atención a esta problemática, e pola iniciativa de colaboradoras, afectados e familiares, que se unen cunha finalidade común, crear unha asociación para poder atender a tódalas persoas relacionadas co DCA.

Adace- Lugo constituíuse legalmente en xaneiro do 2006, completándose así a rede galega de asociacións de afectados por DCA, que pasarán a formar xuntos a Federación Galega de Dano Cerebral (FEGADACE). Os compoñentes da mesma son: ADACE en Lugo, SARELA en Santiago de Compostela, ADACECO en A Coruña, ALENTO en Vigo e RENACER en Ourense.

Todas estas asociacións, a maiores de forma-la FEGADACE, tamén estamos adheridas na Federación Española de Daño Cerebral (FEDACE).

Os obxectivos primordiais de Adace-Lugo son:

Promover a acollida, información, orientación e asesoramento a familiares e afectados de dano cerebral sobrevido.

Sensibilizar ós poderes públicos e á sociedade en xeral sobre a problemática do afectado de DCS e das súas familias.

Promove-la defensa dos dereitos, a rehabilitación, a integración, a normalización social e mellora da calidade de vida das persoas afectadas por dano cerebral.

Promoción e reivindicación dos servizos sanitarios, asistenciais, educativos, laborais, residenciais, sociais e lúdicos necesarios e axeitados para cubri-las necesidades das persoas afectadas de DCA.

Cooperar con outras institucións, entidades e profesionais relacionados co dano cerebral sobrevido.

Os fines primordiais de ADACE-Lugo son:

Promover a acollida, información, orientación e asesoramento a familiares, afectados, profesionais e entidades relacionadas co dano cerebral sobrevido adquirido.
Promove-la defensa dos dereitos, a rehabilitación, integración, normalización social e a mellora da calidade de vida das persoas afectadas de dano cerebral adquirido.
Concienciar á sociedade en xeral e á Administración Pública dos problemas e necesidades que sofren as persoas con dano cerebral adquirido e as súas familias.
Promocionar os servizos sanitarios, asistenciais, educativos, laborais, residenciais, sociais e lúdicos necesarios e axeitados para cubri-las necesidades das persoas afectadas de dano cerebral adquirido.
Cooperar con outras asociacións, entidades e profesionais relacionados co dano cerebral adquirido.
Promocionar estudios epidemiolóxicos e de campañas informativas e preventivas sobre dano cerebral adquirido.
Reivindicar no nome dos afectados os dereitos destes diante das institucións públicas e privadas. Calquera outro que, de xeito directo ou indirecto, contribúa á realización dos obxectivos da Asociación ou redunde en beneficio dos afectados/as e da comunidade á que pertencen.

En relación os fin citados anteriormente temos que destacar os seguintes obxectivos:

XERAIS:
Representa-la asociación e dar a coñecer a súa labor.
Promocionar unha iniciativa social a favor dos dereitos das persoas afectadas de DCA.
Ofrecer información, asesoramento, apoio,.. a afectados e familiares; prestándolles os servizos máis axeitados e necesarios.

ESPECÍFICOS:

A integración social, educativa, laboral,… das persoas afectadas por un Dano Cerebral.
A promoción dos servizos sanitarios, asistencias, educativos, formativos…, para cubri-las necesidades dos afectados.
A reivindicación en nome dos afectados dos seus dereitos ante as Administracións, tanto públicas coma privadas.
Proporcionar actividades de rehabilitación e de ocio para os socios afectados por un Dano Cerebral Sobrevido, para os seus familiares e coidadores e para o resto de socios colaboradores.
Proporcionar orientación e apoio a aquelas familias de persoas afectadas que así o precisen.
Mellora-la calidade de vida dos afectados e familiares, a través das actividades promovidas dende a asociación e a posta en marcha de novas iniciativas, segundo as súas demandas e necesidades.
Atende-las necesidades diarias de aquelas persoas que acudan á Asociación, realizándolles as xestións oportunas para o seu benestar.

Adace Lugo está inscrita como Entidade Prestadora de Servizos Sociais da Xunta de Galicia e inscrita no Regxstro de Centros Sanitarios C-27-000962.

Dende o ano 2015 conta con un Centro de día terapeútico de media estadía para persoas con DCA, que conta con 10 prazas concertadas ca Xunta de Galicia.

Dende o ano 2019 Entidade declarada de Utilidade Pública.

MISIÓN, VISIÓN E VALORES

MISIÓN

ADACE LUGO é unha entidade sen ánimo de lucro creada por familiares e afectados de dano cerebral adquirido, que desenvolve a súa actividade na provincia de Lugo. Ten como fin axudar as persoas con dano cerebral adquirido e as súaas familias a mellorar a súa calidade de vida e loitar pola defensa dos seus dereitos-

VISIÓN

Responder as necesidades das persoas afectadas de dano cerebral adquirido e aos seus familiares a través da creación de servizos sociosanitarios especializados. Fomentando a sensibilización e prevención. Contribuindo activamente na defensa dos dereitos das persoas con dano cerebral adquirido.

VALORES

Compromiso , Profesionalidade , Solidaridade e Responsabilidade.